FLORENTINA BLANCO PELETEIRO

A SÚA HISTORIA

A Florentina coñécena seus familiares, amigos e coñecidos como Teresa. Cando naceu, a súa madriña púxolle este nome na igrexa e xa lle quedou. Traballou toda a vida nas veigas. Alí cantaban cos vellos, dos que aprendeu moitas das cancións que todavía lembra. A Teresa encantáballe ir ás festas cando era nova. Algunhas que lembra con cariño son as de Pontecaldelas e Silvoso. Ían a todos lados que se podía ir. Nelas tocaban bandas de música como a de Arcade ou a de Redondela. Tamén, co seu marido, ían de excursión a Portugal, ou Burgos, momentos nos que todos e todas no autobús cantaban.